“Eybar” xal itirdi, İsrafilov kənardan izlədi

İspaniya La Liqasında 5-ci turun oyunları keçirilib. Allsport.az xəbər verir ki, Azərbaycan yığmasının yarımmüdafiəçisi Eddi İsrafilovun komandası – “Eybar” da növbəti matçına çıxıb.

Sözügedən klub səfərdə “Levante” ilə qarşılaşıb. Futbolçumuzun komandası bu dəfə heç-heçəyə imza atıb – 2:2. İsrafilov qarşılaşmanı sonadək ehtiyat oyunçular skamyasından izləyib.

Qeyd edək ki, “Eybar” hazırda 8 xalla turnir cədvəlinin 7-ci pilləsində qərarlaşıb.