Keyn hamını qabaqladı

“Bavariya”nın hücumçusu Harri Keyn bundesliqada dekabrın ən yaxşı futbolçusu seçilib.

Allsport.az xəbər verir ki, ötən ay keçirilən üç matçda 5 qol vuran ingiltərəli forvard, səsvermədə komanda yoldaşları Maykl Olise, Yosip Stanişiç, həmçinin Patrik Vimmer (“Volfsburq”), Yan Diomande (“Leypsiq”) və Kristof Baumqartneri (“Leypsiq”) geridə qoyub.

Keyn 2023-cü ilin avqustunda Münhen klubunda debüt etdikdən sonra bundesliqada 100 məhsuldar xal (qol + ötürmə) həddinə çatan tarixin ən sürətli futbolçusu kimi yeni rekorda imza atıb.