“Kolos” avrokubokla vidalaşdı, millimizin hücumçusu penaltini vura bilmədi

Millimizin üzvü Anatoli Nuriyevin çıxış etdiyi “Kolos” konfrans liqasının 3-cü ələməsinin cavab oyununda səfərdə “Şaxtyor”la (Qaraqanda) qarşılaşıb. Allsport.az saytı xəbər verir ki, Ukraynada olduğu kimi, Qazaxıstanda da matçın əsas vaxtı qolsuz bərabərliklə başa çatıb. 

Əlavə yarım saatda da qapılara qol vurulmayıb. Penaltilər seriyasında rəqibini 3:1 hesabı ilə üstələyən meydan sahibləri mərhələni adlayıblar. 88-ci dəqiqədə meydana daxil olan futbolçumuz, ilk penaltini dəqiq yerinə yetirməyib.