“Liverpul”da irqçiliyə qarşı maarifləndirmə tədbiri keçirilib

“Liverpul” irqçiliklə mübarizəyə həsr olunmuş “Show Racism the Red Card” kampaniyası çərçivəsində “Enfild” stadionunda şagirdlər üçün maarifləndirici görüş təşkil edib.

Allsport.az xəbər verir ki, tədbirdə klubun tarixinə düşmüş ilk qaradərili futbolçular — Con Barns, Mark Volters, Hovard Qeyl, Maykl Tomas və Kerri Devis iştirak ediblər. Veteran oyunçular panel müzakirələri zamanı gənclərə bərabərlik və dözümlülük prinsiplərinin əhəmiyyəti barədə məlumat verib, qarşılaşdıqları irqi ayrı-seçkilik halları ilə bağlı təcrübələrini bölüşüblər.

“Red Together” layihəsi çərçivəsində keçirilən aksiya zamanı məktəblilər həm də klubun bu sahədəki irsinə həsr olunmuş xüsusi sərgi ilə tanış olublar.