“Neftçala” Polşa klubu ilə bacarmadı

Türkiyədə təlim-məşq toplanışında olan “Neftçala” bu gün Antalyada üçüncü yoxlama oyununa çıxıb. Allsport.az xəbər verir ki, 1-ci divizionun ikinci dövrəsinə hazırlaşan təmsilçimiz bu dəfə Polşanın “Yaqelloniya” komandası ilə qarşılaşıb.

Kamal Quliyevin komandası bu dəfə məğlubiyyətlə üzləşib. Belə ki, “Neftçala” 2 qol vurmasına baxmayaraq, öz qapısında ikiqat artığını görüb – 2:4.

Qeyd edək ki, “Neftçala” bundan əvvəlki oyunlarında Almaniyanın “Viktoriya” klubuna 2:1, Türkiyənin “Manavqatspor” komandasına isə 5:0 hesabıyla qalib gəlmişdi.