Odessa Əhməd Ələsgərovla vidalaşdı

Azərbaycan futbolunun və “Neftçi” tarixinin unudulmaz simalarından hesab olunan Əhməd Ələsgərov ötən gün Ukraynanın Odessa şəhərində torpağa tapşırılıb. Allsport.az xəbər verir ki, mərhumla vida mərasimi “Çernomorets”in stadionunda keçirilib.

Xatırladaq ki, Əhməd Ələsgərov 1966-cı ildə “Neftçi” və 1974-cü ildə Ukraynanın “Çernomorets” klubları ilə SSRİ çempionatının bürünc medallarını qazanıb. 1992-1993 və 1998-2000-ci illərdə Azərbaycan milli komandasını çalışdırıb. Milli komandamızın ilk məşqçisi kimi tarixə düşüb.