20-ci qolunu keçmiş komandasına vurdu

Filip Ozobiç “Qarabağ”ın heyətində 20-ci qolunu vurub. Allsport.az saytı xəbər verir ki, yubiley premyer liqanın 12-ci turuna təsadüf edib.

“Qəbələ” ilə görüşdə (1:1) hesabı açan xorvatiyalı yarımmüdafiəçi 70-ci matçında 20-ci dəfə rəqib qapısına yol tapıb.

O, ölkə çempionatında 17 (42 oyun), avrokuboklarda 3 (24 oyun) qol vursa da, Azərbaycan kubokunda 4 matçda fərqlənməyib.

Filip 2018-ci ildən “Qarabağ”da çıxış edir.