20 turda 26 futbolçu

“Qəbələ” premyer liqanın arxada qalan 20 turunda 26 futbolçunun xidmətindən yararlanıb. Allsport.az xəbər verir ki, Amin Seydiyevlə Qismət Alıyev koronavirus pandemiyası üzündən dayandırılan çempionatda “qırmızı-qara” forma ilə hamıdan çox – hərəyə 19 oyun keçirib.

Amin bu görüşlərdə əvəzolunmadan meydanda olub. Əcnəbilər arasında Merab Qiqauri, Fernan Lopes və Klesio Bauk daha çox – 18 matçda fürsət qazanıb. Daha 2 oyunçu – Ülvi İsgəndərovla Rövlan Muradov da eyni sayda qarşılaşmanın iştirakçısı olub.

Komandanın qollarına 9 oyunçu imza atıb. Baş tutan 20 görüşdəki ən məhsuldar oyunçusu qış fasiləsində “Qəbələ”dən ayrılan Davit Volkovdur. Onun hesabında 5 top var. Qışda heyətə qatılan Nikolas Raysel isə 4 matçda 4 qol vurmaqla yüksək məhsuldarlığı ilə seçilib. Rövlan Muradovun da aktivində eyni sayda qol var.

Həmin kateqoriyadan