“Ag-qaralar” yanvarın 6-da toplaşacaq

“Neftçi” ölkə kubokunun 1/4 finalında “Sumqayıt”la cavab oyunundan sonra istirahətə çəkilib. Allsport.az saytı xəbər verir ki, komanda gələn il yanvarın 6-da bir araya gələcək. Ayın 13-dək Bakıda təlim-məşq toplanışı keçəcək “ağ-qaralar” həmin gün Türkiyəyə yola düşəcək.

Xatırladaq ki, yanvarın 13-dən 27-dək Türkiyənin Antalya şəhərindəki Manavqat bölgəsində yerləşən “The Sense De Luxe” otelində məskunlaşacaq komandamız ayın 18-də “Qaz Metan” (Mediaş, Rumıniya), 23-də isə “Slovan” (Libereç, Çex Respublikası) klubları ilə yoxlama oyunu keçirəcək.

Ayın 26-dakı rəqibin adına aydınlıq gələndən sonra bu haqda məlumat veriləcək.