“Ağ-qaralar”da yeni məşqçi

“Neftçi-2”nin məşqçilər korpusuna yeni təyinat olub. Allsport.az xəbər verir ki, Elşən Poladov qapıçılar üzrə məşqçi vəzifəsini yerinə yetirəcək.

40 yaşlı mütəxəssislə 1 il müddətinə müqavilə bağlanıb. Poladov “Xəzər” (Sumqayıt), “Kimyaçı” (Sumqayıt), OİK (Bakı), “Şəfa” (Bakı), “Dinamo” (Bakı), “Bakı”, “Turan” (Tovuz), “Şəmkir”, “Olimpik” (Bakı), “Kəpəz” (Gəncə), “İnter” (Bakı) klublarında oynayıb. “Bakı” və “İnter”lə Azərbaycan çempionu, “Şəfa” və “Bakı” ilə ölkə kubokunun qalibi olub. 2017-ci ildə futbolçu karyerasını bitirəndən sonra məşqçiliyə başlayıb, “Sumqayıt”ın U-16 və U-17 komandalarında çalışıb.