Anar Nəzirov “Zirə”yə qoşuldu

“Zirə” Premyer Liqaya hazırlığın 2-ci mərhələsini Türkiyədə keçirir. Allsport.az xəbər verir ki, komanda Ərzurumdakı məşqlərini davam etdirir.

Təlim-məşq toplanışının 10-cu günündə yeni transfer Anar Nəzirov da komandaya qoşularaq məşqə çıxıb. Səhər məşqində “qartallar” oyunöncəsi taktiki çalışmalar üzərində işləyiblər.

“Zirə” bu gün Ərzurum toplanışı çərçivəsində 2-ci yoxlama oyununa çıxacaq. “Qartallar”ın rəqibi Gürcüstan çempionatının güclülər dəstəsində çıxış edən Potinin “Kolxeti” klubu olacaq.