Aqil Məmmədov yenidən “Neftçi”də

Neftçi” daha bir transferi rəsmiləşdirib. Allsport.az saytı xəbər verir ki, qapıçı Aqil Məmmədovla 1,5-illik müqavilə bağlanıb. 29 yaşlı qolkiper 30 nömrəli formanı geyinəcək.

Bunadək “Bakı”, AzAL, “Qəbələ” klublarında çıxış etmiş futbolçu, 2015-2016-cı illərdə də “Neftçi”nin qapısını qoruyub. O, Azərbaycanın əsas milli və 21 yaşadək futbolçulardan ibarət yığmanın üzvü olub.

“Neftçi” bundan əvvəl mərkəz yarımmüdafiəçiləri – qvineyalı Mamadu Kane və Turan Vəlizadə ilə 3, seneqallı mərkəz müdafiəçisi Mamadu Mbodj ilə 2,5 illik müqavilə bağlayıb.