Ayın futbolçusu kim ola bilər?

İngiltərə premyer liqasının mətbuat xidməti fevralın ən yaxşı oyunçusu mükafatı uğrunda mübarizə aparacaq futbolçuların adlarını açıqlayıb.

Allsport.az xəbər verir ki, mükafat uğrunda 7 futbolçu mübarizə aparır: “Mançester Siti”nin yarımmüdafiəçisi Fil Foden (5 matçda 4 qol), “Vulverhempton”un yarımmüdafiəçisi Joao Qomes (2 qol, 5 matçda 1 məhsuldar ötürmə), “Brayton”un yarımmüdafiəçisi Paskal Qross (5 matçda 1 qol və 4 məhsuldar ötürmə) , “Mançester Yunayted”in hücumçusu Rasmus Heilunn (5 qol, 4 matçda 1 məhsuldar ötürmə), “Fulhem”in hücumçusu Rodriqo Muniz (4 matçda 4 qol), “Arsenal”ın vingeri Bukayo Saka (4 matçda 6 qol) və “Aston Villa”nın hücumçusu Olli Uotkins (4 qol və 4 matçda 2 məhsuldar ötürmə).