“Bayquşlar”la bağlı qərar

AFFA “Sabah” klubunun şikayətini təmin etməyib.

Allsport.az xəbər verir ki, paytaxt təmsilçisi AFFA intizam komitəsinin (İK) gənclər liqasında “Araz-Naxçıvan”la oyundakı qərarından narazı qalıb.

İK matçın 15-ci dəqiqəsində təhlükəsizlik nümayəndəsi olmadığı üçün görüş dayandığına görə Naxçıvan təmsilçisinə xəbərdarlıq edib və qarşılaşmanın dayandırıldığı vaxtdan (1:1 hesabı saxlanılmaqla) yenidən təşkilini məqsədəuyğun sayıb.

“Bayquşlar”ın isə bu qərarla bağlı apellyasiya şikayəti təmin olunmayıb.