“Bunun üzərində işləyəcəyik”

Bu gün ” Neftçi” premyer liqanın 12-ci turunda səfərdə “Qəbələ”ni 2:0 üstələdi. Allsport.az saytı xəbər verir ki, matçdan sonra qonaqların baş məşqçisi Adrian Mutu qələbəyə şərh verdi:

“Bu gün komanda yaxşı çıxış etdi. 90 dəqiqə ərzində aqressiv idik və üstünlüyü sonadək qoruduq. Sevindiricidir ki, hücumlarımız çox oldu. Qələbəni haqq edirdik.

Düzdür, bizim qol epizodları çox olur, amma bunu dəqiq sonluqla bitirmək lazımdır. Bunun üzərində işləyəcəyik. Hücumçular öhdələrinə düşəni etməlidirlər”.