Çimərlik voleybolçularımızdan bürünc medal

Çimərlik voleybolu üzrə kişilərdən ibarət Azərbaycan milli komandası Türkiyənin Çatalca bölgəsində təşkil olunan və FİVB reytinq xalları qazandıran “Bioderma pro beach tour” açıq çempionatında uğurlu çıxış edib.

Allsport.az xəbər verir ki, 16 komandanın iştirak etdiyi yarışda ölkəmizi İbrahim Məmmədov və Məhəmməd Aslanlı cütlüyü təmsil edib.

Voleybolçularımız çempionatı üçüncü pillədə başa vurublar.

Qadınların yarışında mübarizə aparan Səbinə Əlizadə/Leyla Əliyeva cütü isə 16 komanda arasında 5-ci yeri tutub.

Qeyd edək ki, komandalarımız yarışda baş məşqçi Atvars Vildenin rəhbərliyi altında mübarizə aparıblar.