Faiq Qarayev mükafatlandırıldı

Azərbaycan voleybol federasiyasının vitse-prezidenti və qadınlardan ibarət Azərbaycan millisinin baş məşqçisi Faiq Qarayev Türkiyə voleybol federasiyası tərəfindən mükafatlandırılıb.

Allsport.az xəbər verir ki, mükafat Faiq Qarayevə İstanbulda keçirilən Avropa çempionatının 1/8 final mərhələsində baş tutan Türkiyə – Azərbaycan matçı zamanı təqdim olunub.

Türkiyə voleybol federasiyasının prezidenti Məhmət Akif Üstündağ mükafatı şəxsən Faiq Qarayevə təqdim edib.

Mükafat Faiq Qarayevə Türkiyədə voleybolun inkişafına verdiyi töhfələrə görə təqdim olunub.