Çin klubu Kintananın transferini açıqladı

“Qarabağ”dan ayrılan Dani Kintana Çinin I Liqa təmsilçisi  “Çendu Better Siti”nin düşərgəsində qoşulub.

Allsport.az xəbər verir ki, ispaniyalı yarımmüdafiəçi ilə 2020-ci ilin dekabrın 31-nə qədər nəzərdə tutulmuş müqavilə imzalanıb.

2015-ci ildə “Qarabağ”a transfer olunan 32 yaşlı yarımmüdafiəçi Ağdam klubunda 146 matçda meydanda olub, 42 qol və 23 məhsuldar ötürmə ilə yadda qalıb.