Flaqman “Qarabağ”ın rəqibi ilə gücünü yoxlayacaq

“Neftçi”nin Türkiyə təlim-məşqdə keçirəcəyi yoxlama oyunlarındakı rəqiblərindən biri müəyyənləşib. Allsport.az saytı xəbər verir ki, “ağ-qaralar” iyunun 30-da “Fənərbağça Topuq Yaylası Resort and Sport” otelinin meydanında Ukraynanın “Vorskla” (Poltava) klubu ilə qarşılaşacaq.

Komandamız yeni mövsümə hazırlığa iyunun 10-da start verəcək. Hazırlığın ilk mərhələsi ayın 15-dək Bakıda baş tutacaq. Bu müddət ərzində tibbi baxışdan keçəcək komanda üzvləri fiziki testləri də yerinə yetirəcəklər.

Təlim-məşq toplanışının ikinci mərhələsi isə iyunun 15-dən iyulun 1-dək Türkiyənin Topuk yaylası bölgəsində olacaq. İyunun 20 və 25-də qardaş ölkədə keçirəcəyi yoxlama oyunlarındakı rəqibləri hələ dəqiqləşməyib.