Futbolda yeni qaydalar

Beynəlxalq futbol assosiasiyaları şurasının iclasında qaydalarda bəzi dəyişikliklər təsdiqlənib. Allsport.az xəbər verir ki, yeniliklər aşağıdakı kimidir:

– Top hücumda olan komandanın üzvünün əlinə dəyərsə və sonradan qol olarsa, əllə oyun qeydə alınacaq. Əks halda, oyun davam etdiriləcək;

– Çiyinlə dirsək arasına dəyən top əllə oyun kimi qiymətləndirilməyəcək. Əgər buna oxşar epizod qapıya zərbə zamanı qeydə alınsa, VAR-a baxılır;

– Penaltilər seriyasında qapıçıların oyun ərzində aldığı sarı vərəqəsi nəzərə alınmayacaq;

– Qapıçı 11 metrlik cərimə zərbəsi zamanı irəli çıxarsa, rəqibə hərəkətləri ilə mane olarsa və zərbə qol olmasa, penalti təkrarlanır;

– Penaltinin təkrarlanmasına səbəb olan qapıçı sarı vərəqə alacaq;

– VAR-a baxmağa gedən hakim 1 dəfə monitor işarəsi verəcək. Digər şübhəli epizodlarda isə ona xəbər ediləcək və o, epizodla bağlı monitorda qərar qəbul edəcək.

Qərarlar yeni mövsümdən qüvvəyə minəcək.

Həmin kateqoriyadan