“Gözlənilən kimi ağır oyun oldu”

“Sumqayıt” premyer liqanın XIV turunda evdə “İmişli”dən güclü oldu – 1:0. Allsport.az xəbər verir ki, görüşdən sonra “kimyaçılar”ın məşqçisi Şahin Abdullayev qələbəni şərh etdi:

“Gözlənilən kimi ağır oyun oldu. “İmişli” yaxşı müdafiə olunan komandadır. Onlara qarşı ilk oyunda da çətinlik çəkmişdik.

Təəssüf ki çox qol epizodu yarada bilmədik. Amma yekunda son dəqiqələrdə qolu vurub 3 xalı qazanan tərəf biz olduq. “İmişli”yə növbəti oyunlarda uğurlar arzu edirəm”.