2-ci dəfə 2-ci oldu

Bakıda cüdo üzrə dünya çempionatında legionçumuz Uşangi Kokauri (+100 kq) 1/16 finalda qırğızıstanlı Əmirxan Yoldaşqazıyevə, sonra polşalı Yakub Sordili qalib gəlib.

Allsport.az saytı xəbər verir ki, o, 1/4 finalda millimizin digər üzvü Kənan Nəsibovu üstələyib. Cüdoçumuz yarımfinalda Finlandiya təmsilçisi Martti Puumalayneni məyus edib.

Finalda rusiyalı İnal Tasoyevə yenilib və gümüş medalla kifayətlənib. O, 2018-ci ildə Milli gimnastika arenasında təşkil edilmiş eyni yarışda da 2-ci olmuşdu.