İtaliyalı hücumçu “Neftçi”yə, yoxsa “Qarabağ”a keçəcək?

Buxarest “Dinamo”sunun yarımmüdafiəçisi Dieqo Fabbrini karyerasını Azərbaycanda davam etdirə bilər.

Allsport.az xəbər verir ki, 29 yaşlı futbolçu Azərbaycandan aldığı təklifi müsbət cavablandırıb. Onun “Neftçi” və ya “Qarabağ”la müqavilə imzalayacağı gözlənilir.

Dieqo Fabbrini karyerası ərzində vətənində “Empoli”, “Udineze”, “Palermo”, “Siena”, “Spetsia”, İngiltərədə “Uotford”, “Milluoll”, “Birmingem”, “Midlsbro”, İspaniyada “Ovyedo”, Rumıniyada “Botoşani”, Bolqarıstanda isə MOİK-in formasını geyinib. O, İtaliya millisinin heyətində 1 matçda meydana çıxıb.