Jelko Sopiç: “Gündən-günə daha yaxşı olacağıq”

Premyer liqanın 16-cı turunun “Sabah” – “Qəbələ” (3:2) oyunundan sonra keçirilən mətbuat konfransında meydan sahiblərinin baş məşqçisi Jelko Sopiç fikirlərini bölüşüb.

Allasport.az xəbər verir ki, xorvatiyalı mütəxəssis qələbəni şərh edib:

“Uzun müddətdi davam edən qələbəsizlik seriyasına son qoymağımız yaxşı oldu. İlk qolu buraxdıqdan sonra futbolçular əzmkarlıq göstərdilər. Geri dönüş etməyi bacardıq.

Yeni gələnlər hələ tam uyğunlaşmayıb. Gündən-günə daha yaxşı olacağıq. Futbolçularım bu gün yaxşı mübarizə apardılar. Meydanda əllərindən gələni etdilər. Buna görə onlara təşəkkür edirəm”.