“Kəpəz” Türkiyədə 2-ci sınaq matçına çıxır

Türkiyənin Ərzurum şəhərində təlim-məşq toplanışını davam etdirən “Kəpəz” bu gün – iyulun 23-də qardaş ölkədə ikinci yoxlama oyununa çıxacaq. Allsport.az xəbər verir ki, “sarı-göylər”in rəqibi Gürcüstanın yüksək liqasında çıxış edən “Şukura” klubu olacaq.

Oyun yerli vaxtla saat 17:30-da başlayacaq. Görüş Ərzurum Bələdiyyəsinə məxsus meydançada keçiriləcək.

Xatırladaq ki, Gəncə klubu Türkiyədə ilk sınaq oyununu iyulun 21-də “1461 Trabzon” klubuna qarşı keçirib. Matç gəncəlilərin 1:0 hesablı qələbəsi ilə nəticələnib.