“Kəpəz”də 100-cü oyunu

“Kəpəz”in futbolçusu Tural Rzayev Azərbaycan çempionatlarında 100-cü oyununu keçirib. Allsport.az saytı xəbər verir ki, 30 yaşlı yarımmüdafiəçinin yubileyi premyer liqanın III turuna təsadüf edib.

O, “Turan Tovuz”la ev qarşılaşmasına (0:2) start heyətində çıxıb və 62 dəqiqə meydanda olub. Tural cəmi 1 qol vurub.

Ölkə çempionatının yüksək dəstəsində yalnız Gəncə klubunda çıxış edən futbolçunun debütü 2015/16 mövsümündə olub, “Neftçi” ilə səfər qarşılaşmasında fürsət qazanıb. Həmin görüş 0:0 başa çatıb.