Kamran Ağayev rəsmən Türkiyə klubunda!

Azərbaycan yığmasının qapıçısı Kamran Ağayev özünə yeni klub tapıb. Allsport.az xəbər verir ki, millimizin qolkiperi növbəti mövsümdə də Türkiyənin PTT 1-ci liqasında çıxış edəcək.

Belə ki, o, “Karşıyaka” ilə anlaşıb. Tərəflər bir illik müqavilə imzalayıblar. Həmyerlimiz bu gündən yeni komandasının Boludakı təlim-məşq toplanışına qoşulacaq.

Qeyd edək ki, Ağayev son mövsümdə “Kayserispor”da çıxış etmiş və bu klubla PTT 1-ci liqanın qalibi olmuşdu. Amma Super Liqaya yüksələn komanda Kamranla əməkdaşlığı davam etdirmək istəməmişdi.