Kamran Ağayev Türkiyə klubu ilə müqavilə imzalayır

Azərbaycan yığmasının qapıçısı Kamran Ağayev karyerasını Türkiyənin “Karşıyaka” klubunda davam etdirə bilər. Allsport.az xəbər verir ki, futbolçumuz hazırda qardaş ölkənin PTT 1-ci liqa klubu ilə danışıq aparır.

Tərəflər arasında keçirilən son görüşdə demək olar ki, bütün məsələlərlə bağlı razılıq əldə olunub. Yaxın günlərdə tərəflər müqaviləyə imza atmalıdırlar.

Qeyd edək ki, Ağayev ötən mövsümü “Kayserispor”da keçirmişdi.