“Keşlə” ilə oyuna 3 itki ilə hazırlaşır

“Neftçi” ölkə çempionatının 10-cu turunda “Keşlə” ilə oyunun hazırlığına start verib.

Allsport.az saytı xəbər verir ki, “Qarabağ”la görüşdən (3:1) sonra birgünlük fasiləyə buraxılan komanda, bu gün “İsmət Qayıbov” adına bazada məşqə çıxıb.

Məşqdə zədəlilər – Ruslan Abışov, Məhəmməd Mirzəbəyov və Qoran Paratskidən başqa bütün futbolçular iştirak edib.

Hazırlıq sabah bir məşqlə davam edəcək. Xatırladaq ki, “ASK Arena”da keçiriləcək oyun noyabrın 3-ü saat 17:00-da başlanacaq.