“Kimyaçılar” Qazaxıstandan futbolçu aldı

“Sumqayıt” heyətinə yeni oyunçu cəlb edib. Allsport.az “Vesti”yə istinadla xəbər verir ki, “gənclik şəhəri” təmsilçisi Qazaxıstanın “Kaspi” klubunun müdafiəçisi Kərəm Sultanovla anlaşıb.

24 yaşlı futbolçu ilə 2 illik müqavilə imzalanıb.

Kərəm Qazaxıstanda “Ordabası”, “Bayterek” və “Kızıl-Jar”da çıxış edib. İlin əvvəlində “Kaspi”yə keçən mərkəz müdafiəçisi komandada oyun keçirməyib.

Qazaxıstanın U-21 millisinin üzvü olmuş Sultanov bir neçə günə Azərbaycana gəlib, yeni klubuna azad agent statusu ilə qoşulacaq.