Markaoya 6 oyunluq cəza

İspaniya kral futbol federasiyasının (RFEF) intizam komitəsi “Sevilya”nın müdafiəçisi Markaonu ağır cəzalandırıb.

Allsport.az xəbər verir ki, braziliyalı futbolçu la liqanın XVII turunda “Real Madrid”lə matçdan (0:2) sonra ümumilikdə 6 oyunluq diskvalifikasiya edilib. Markao oyun zamanı qırmızı vərəqə aldığı üçün 1, baş hakim Alexandro Munyisi təhqir etdiyi üçün 4, qeyri-idman hərəkətlərinə görə isə əlavə 1 matçlıq cəza alıb.

Bundan əlavə, Əndəlüs təmsilçisinin baş məşqçisi Matias Almeyda da eyni oyunda aldığı iki sarı vərəqəyə görə 1 oyunluq cəzalandırılıb.