“İnter Mayami”nin abunəçilərinin sayı bir gündən az müddətdə 3,5 milyon artıb

Argentina millisinin hücumçusu Lionel Messinin, MLS komandası “İnter Mayami”yə keçməsindən sonra, sosial şəbəkələrdə klubun abunəçilərinin sayı xeyli artıb.

Allsport.az xəbər verir ki, MLS klubu dünya çempionunun transferini çərşənbə günü, iyunun 7-də açıqlayıb. 

Klubun “İnstaqram”da abunəçilərinin sayı 1 milyon nəfər təşkil edib. Hazırda “İnter”in sosial şəbəkəsinin 4,5 milyondan çox izləyicisi var. 

“Tvitter”də ABŞ təmsilçisinin izləyicilərinin sayı bir gündən az müddətdə 180mindən – 391minə yüksəlib.