Oyun qadın zorakılığına qarşı mübarizə gününə həsr olunacaq

“Səbail” layihəsini davam etdirir.

Allsport.az xəbər verir ki, cari mövsümdə klubun keçirdiyi hər ev oyunu ölkəmizin tarixi, görkəmli şəxsiyyətləri, mədəniyyət və incəsənəti ilə bağlı əlamətdar günlərə, həmçinin beynəlxalq səviyyədə qeyd edilən müəyyən tədbirlərə həsr olunmaqdadır.

Azərbaycan premyer liqasının 14-cü turu çərçivəsində bu gün, saat 18:30-da, “ASCO arena”da keçiriləcək “Səbail” – “Kəpəz” matçı qadın zorakılığına qarşı mübarizə gününə həsr ediləcək.