Pedri barədə qərar verilib

“Barselona”nın yarımmüdafiəçisi Pedri Qonzales zədəsi səbəbindən əməliyyat olunmayacaq.

Allsport.az xəbər verir ki, bir gün əvvəl o, “Atletik”lə matçda göz yaşlarını çətinliklə saxlayaraq meydanı tərk edib. Onun dizindən ciddi xəsarət aldığı bildirilir. O, zədə səbəbindən son 3 il ərzində artıq 70-dən çox oyunu buraxıb.

Pedri əməliyyatdan yayınacaq, bu isə onu mövsümün qalan hissəsinə çıxara bilərdi. Nəticədə, onun yazda meydana qayıtmaq və potensial olaraq Avro-2024 üçün İspaniya millisinin heyətinə düşmək şansı var.