PFL prezident seçkisinin vaxtını açıqladı

Peşəkar futbol liqasının prezidenti postuna keçiriləcək seçkinin tarixi müəyyənləşdi. Allsport.az xəbər verir ki, seçki sentyabrın 14-ü saat 12:00-da AFFA-nın inzibati binasında baş tutacaq.

Ramin Musayev PFL-in nizamnaməsinin 11-ci maddəsinin 4-cü bəndinə uyğun olaraq 4 il müddətinə seçilən PFL prezidenti vəzifəsinə yenidən namizədliyini irəli sürüb. PFL üzvlərində müvafiq posta alternativ namizəd irəli sürülmədiyi üçün qurumun hazırkı prezidenti Ramin Musayev vahid namizəddir.