“Qəbələ” 2 yoxlama oyunu keçirəcək

“Qəbələ” yeni mövsümə hazırlığını davam etdirir. Allsport.az saytı xəbər verir ki, 3 gün öncə Bakıda bir araya gələn “qırmızı-qaralar” paytaxtdakı hazırlığın 3-cü gününü başa vurub. Komanda günü iki məşqlə yekunlaşdırıb.

Sənan Qurbanovun komandası avqustda start götürəcək Topaz premyer liqasının ilk turuna qədər 2 yoxlama oyununda qüvvəsini sınayacaq. “Qırmızı-qaralar” iyulun 31-də əvəzedici komanda ilə üz-üzə gələcək.

2-ci sınaq matçı avqustun 4-də baş tutacaq. Komandanın ikinci rəqibinin adı yaxın günlərdə dəqiqləşəcək.