“Qarabağ” Geryeni sərt cəzalandırdı

“Qarabağ” haitili müdafiəçi Donald Geryeni cərimələyib. Allsport.az xəbər verir ki, o, əvəzedici komandaya göndərilib.

Buna qış fasiləsində ölkəsinə gedən Geryenin komandaya nəzərdə tutulan vaxtda qoşulmaması səbəb olub. 31 yaşlı oyunçu təlim-məşq toplanışında iştirak etməyib və yalnız bir neçə gün əvvəl düşərgəyə qayıdıb.

Gerye əvəzedici komandaya göndərilməklə yanaşı, 20 min dollar cərimələnib.

Futbolçu bu mövsüm keçirdiyi 16 oyunda 6 qol vurub.