“Qarabağ” mövsümün rekorduna nail oldu

“Qarabağ” mövsümün yeni rekorduna imza atıb. Allsport.az xəbər verir ki, “köhlən atlar” ardıcıl 5-ci quru oyununu keçirib.

Sonuncu dəfə XIV turun “Keşlə” ilə matçında (2:2) qapısında qol görən Qurban Qurbanovun rəhbərlik etdiyi kollektiv 2020-ci ildə “çərçivəsini” toxunulmaz saxlayıb.

Qapıçı Şahruddin Məhəmmədəliyevin quru seriyası isə 493 dəqiqəyə çatıb. O, sonuncu dəfə dekabrın 6-da “Keşlə”yə qarşı keçirilən oyunda qol buraxıb.