“Qarabağ”ın ikinci oyununun vaxtı və hakimləri

“Qarabağ”ın çempionlar liqasının 2-ci təsnifat mərhələsindəki matçının vaxtı və təyinatları açıqlanıb. Allsport.az xəbər verir ki, “Şerif” (Moldova) – “Fola Eş” (Lüksemburq) cütünün qalibi ilə qarşılaşacaq “Qarabağ”ın matçı avqustun 26-da baş tutacaq.

Tofiq Bəhramov adına respublika stadionunda keçiriləcək oyunun start fiti 20:00-da səslənəcək. Matçı isə qazaxıstanlı hakimlər briqadası idarə edəcək.

Görüşün baş hakimi Fürqət Atacanov olacaq. Ona Sergey Kalaçyov və Dərhan Tuleqenov kömək edəcəklər. Dördüncü hakim funksiyasını isə Qriqori Moskovçenko yerinə yetirəcək.