“Qarabağ”ın məşqçisi və hakimləri söyən 10 futbolçu cəzalandırıldı

İntizam komitəsinin iclası keçirilib. Allsport.az xəbər verir ki, region liqası və aşağı yaş qrupu yarışlarında 10 futbolçu hakimləri təhqir etdiyi üçün 4 matçlıq cəzalandırılıb.

Gənclər liqasının “Qarabağ” – “Zirə” qarşılaşmasında tribunadan hakimlər briqadasını təhqir edən ağdamlıların baş məşqçisi Samir Musayev 5 oyunluq cəzaya məruz qalıb.

Eyni səbəbdən cəzalandırılanlar arasında EFA-nın U-11 komandasının baş məşqçisi Tağı Məmmədov və futzal üzrə II dəstədə yarışan “Atletiko Baku”nun meneceri Zaur Səmədov da var.