“Qarabağ”ın rəqibində itki

Avropa liqasının “İ” qrupunda “Qarabağ”ın rəqibi “Vilyarreal” itki ilə üzləşib. Allsport.az saytı xəbər verir ki, hücumçu Pako Əlkəsər sıradan çıxıb.

İspaniyalı forvard primeronun 12-ci turunda “Elçe” ilə matçda (0:0) zədələnib. Fasilədən sonra meydana daxil olan 27 yaşlı futbolçu 78-ci dəqiqədə əzələsində ağrılar hiss edərək əvəzlənib.

Təcrübəli hücumçu “Qarabağ”la ilk oyunda (3:1) dubl edib. Cavab görüşü dekabrın 10-da səfərdə keçiriləcək.