“Qarabağ”la “Neftçi”nin baş məşqçiləri əmsalda irəliləyib

Dünyanın ən yaxşı məşqçilərinin reytinqi açıqlanıb. 
Allsport.az saytı xəbər verir ki, “World coach ranking”də yer alan siyahıda “Qarabağ”ın baş məşqçisi Qurban Qurbanov 3 pillə irəliləyərək 1073 xalla 452-ci olub.

“Neftçi”nin 1-ci sükançısı Roberto Bordin 123 xalla 968-cidir. İtaliyalı mütəxəssis ötən siyahı ilə müqayisədə 8 cərgə irəliləyib.

Əmsala “Barselona”nın baş məşqçisi Ernesto Valverde başçılıq edir – 15160 xal. Madrid “Atletiko”sundan Dieqo Simeone 2-ci (13427), “Yuventus”lu Massimiliano Alleqri 12791 xalla 3-cüdür.