Qatı duman səbəbindən “Qəbələ” – “Zirə” matçı yarımçıq qalıb

Topaz premyer liqasının 13-cü turunda “Qəbələ” – “Zirə” matçı yarımçıq qalıb. Allsport.az saytı xəbər verir ki, buna səbəb Qəbələ şəhər stadionunu qatı dumanın bürüməsi olub. 58-ci dəqiqədə baş hakim Vüqar Həsənli görüşü dayandırıb.

Matçı davam etdirmək üçün təxminən yarım saat gözləyən referilər dumanın çəkilmədiyini gördükdən sonra, mübarizəni sabaha qədər təxirə salıblar.

Oyun sabah saat 14:00-da qaldığı yerdən davam etdiriləcək. Buna kimi tərəflər fərqlənə bilməyiblər.