Qurban Qurbanov: Oyun bir az sönük görünürdü

“Qarabağ”ın baş məşqçisi Qurban Qurbanov premyer liqanın 26-cı turunda “Zirə”yə qarşı oyunu şərh edib. Allsport.az saytı xəbər verir ki, o, 3:0 hesabı ilə qalib gəldikləri matçdan çox razı qalıb:

“Öncə futbolçularımı təbrik edirəm. Vacib qələbə qazandıq. Bəlkə oyun bir az sönük görünürdü. Ancaq futbolçular çox zəhmət çəkdilər. Çalışdılar ki, düzgün oynasınlar. “Zirə”yə də uğurlar arzulayıram.

Hər oyunda əsas futboçularımızın çıxmasını istəyirəm. Qəbələdə çox da rotasiya etməmişdik. Bu gün çempionat matçının bizim üçün vacib olduğunu bilirik. Eləcə də, “Qəbələ”ylə kubok. Hər ikisi bizim üçün çox önəmlidir”.