Qurban Qurbanov: “Qalatasaray”ı daha yaxından tanıdım

Martın 26-sında Bakı olimpiya stadionunda “Qarabağ” xeyriyyə matçında “Qalatasaray”a 1:2 yenildi. Allsport.az saytı xəbər verir ki, mətbuat konfransında komandamızın baş məşqçisi Qurban Qurbanov bunu söylədi:

“Bu cür oyunlar futbola sevgini artırır və təcrübəmizi yaxşılaşdırır. Rəqibin səviyyəsi bəllidir. Heyətində bahalı oyunçular var. Zədələnməkdən çəkinirdilər.

“Qalatasaray”ın futbolçularını canlı yaxından görərkən, televiziyadan gördüyümlə, yaxından gördüyüm tam fərqliliyini hiss etdim. Ustalıq göz önündə idi.

Qapımıza təyin olunan penalti barədə bir söz deyə bilmərəm. Hakimi də qınamaq olmaz. O da görüşün ağırlığında gərgin ola bilərdi”.