“Rəvan” məşqçilər korpusunu kollektivə təqdim etdi

Bu gün “Rəvan”ının yeni məşqçi korpusu ilə komanda üzvləri arasında tanışlıq xarakterli görüş olub. Allsport.az xəbər verir ki, klubun Qaraçuxur qəsəbəsində yerləşən bazasında baş tutan mərasimdə vitse-prezidenti İlqar Axundov əsas komandanın çalışdırıcı Emin Quliyevi və onun köməkçiləri – Rövşən Babayevlə Rauf Mehdiyevi kollektivə təqdim edib.

Klub rəhbərliyi, texniki və inzibati heyətin iştirak etdiyi toplantıda yaxın 3 gün ərzində görüləcək işlərdən də söz açılıb. İ.Axundov işlərin intensivləşməsi üçün müvafiq tapşırıqlar verib.