Rahil Məmmədov: “Qələbəyə köklənmişik”

“Neftçi” Topaz Premyer Liqasının 14-cü turu çərçivəsində qarşılaşacağı “Qarabağ”la oyunun hazırlığını başa vurub. Rekord.az xəbər verir ki, “Bakcell Arena”dakı məşqdən sonra komandanın futbolçusu Rahil Məmmədov klub televiziyasına açıqlama verib:

“Hər bir oyuna hazırlaşdığımız kimi, “Qarabağ”la görüşə də ciddi hazırlaşırıq. Bizi çox çətin oyun gözləyir. Rəqib avrokuboklarda iştirak etdiyindən yaxşı vəziyyətdədir. Bununla belə, biz qələbəyə köklənmişik. “Xəzər Lənkəran” üzərində qələbə komandaya psixoloji cəhətdən çox kömək oldu. Komandada atmosfer əladır. Məncə, “Qarabağ”la oyunda bu bizə çox kömək olacaq”.