Ramin Musayevin premyer liqasında bu da oldu – baş hakim fasilədə əvəzləndi

Topaz premyer liqasının 17-ci turunda keçirilən “Keşlə” – “Sumqayıt” oyununda gözlənilməz olay baş verib. Allsport.az saytı xəbər verir ki, görüşün baş hakimi Rauf Cabbarov fasilədə əvəzlənib.

Buna onun zədələnməsi səbəb olub. Əzələsini dartan referini 4-cü hakim kimi təyinat alan Rauf Allahverdiyev əvəz edib. O isə həmkarının işini yerinə yetirməyə başlayıb.

Bbu oyunda “Keşlə” 2:1 qalib gəlib. Xatırladaq ki, ölkə çempionatını PFL keçirir, qurumun rəhbəri Ramin Musayevdir.