Ronaldu, Messi və Suaresin rekordunu təkrarladı

“Real Madrid”in hücumçusu Kilyan Mbappe la liqanın XXIII turunda “Valensiya”ya (2:0) qarşı keçirilən oyunda fərqlənərək tarixi nailiyyətə imza atıb.

Allsport.az xəbər verir ki, 27 yaşlı forvard cari mövsüm çempionatda meydana çıxdığı 22 matçda 23-cü qolunu vurub.

Bununla da o, la liqa tarixində ilk 22 oyunda 23 və daha çox qol vuran dördüncü futbolçu olub. Mbappeyə qədər bu rekordu yalnız Kriştianu Ronaldu (2014/15), Lionel Messi (2012/13) və Luis Suares (2015/16) bacarmışdılar.