Rövnəq Abdullayev ötən ili dəyərləndirdi

AFFA-nın prezidenti Rövnəq Abdullayev qurumun konfransında fikirlərini bölüşüb. Allsport.az xəbər verir ki, o, 2020-ci ili dəyərləndirib:

“Təxminən, 1 ildən çoxdur ki, dünyanın əksər ölkələri COVİD-19 pandemiyası ilə mübarizə aparır. Əlbəttə, pandemiya ilə bağlı 2020-ci ili çətin və bəlkə də uğursuz adlandırmaq olardı. Lakin ötən il bizim üçün hər zaman zəfər ili kimi xatırlanacaq.

Respublika prezidenti, silahlı qüvvələrin ali baş komandanı cənab İlham Əliyevin rəhbərliyi ilə müzəffər ordumuz 30 ilə yaxındır işğal altında olan torpaqlarımızı düşmən tapdağından azad etdi. Böyük qələbə münasibətilə hər birinizi təbrik edirəm. 2-ci Vətən müharibəsində AFFA-nın qeydiyyat sistemində qeydiyyatdan keçmiş, Azərbaycan futbol ailəsinin 191 nəfər üzvü də şəhidlik zirvəsinə ucalıb. Allah bütün şəhidlərimizə rəhmət eləsin!”

Həmin kateqoriyadan